ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ទេសរដ្ឋមន្ត្រី ស៊ុន ចាន់ថុល ថាកម្ពុជាមិនខ្ចីលុយចិនមកធ្វើផ្លូវដែកដូចការចុះផ្សាយរបស់ប្រព័ន្ធផ្សព្វផ្សាយអាមេរិកនោះទេ

  • ចុះផ្សាយថ្ងៃទី១៥ ខែកុម្ភៈ ឆ្នាំ២០២៣ ម៉ោង ១៣:០២ នាទី ដោយ Hun Sirivadh
  • 2500
  Aa |   aA

ភ្នំពេញ៖ រដ្ឋមន្ត្រីសាធារណការ ទេសរដ្ឋមន្ត្រី ស៊ុន ចាន់ថុល បានថ្លែងថា កម្ពុជាមិនប្រើប្រាស់វិធីសាស្ត្រខ្ចីលុយចិនមកធ្វើផ្លូវដែកល្បឿនលឿននោះទេ។ លោកថាការចុះផ្សាយរបស់ប្រព័ន្ធផ្សព្វផ្សាយអាមេរិក VOA ដែលវាយប្រហាររដ្ឋាភិបាលកម្ពុជា ថាខ្ចីលុយចិន ៤ ០០០លានដុល្លារយកមកសាងសង់ផ្លូវដែកល្បឿនលឿនគឺជាការចុះផ្សាយដែលមិនដឹងពីអ្វីដែលជាគោលនយោបាយរបស់រដ្ឋាភិបាលក្នុងការអភិវឌ្ឍន៍ផ្លូវដែកល្បឿនលឿននោះទេ។

ថ្លែងក្នុងសន្នីបាតបូកសរុបលទ្ធផលការងាររបស់ក្រសួងនៅព្រឹកថ្ងៃទី១៥ ខែកុម្ភៈ ទេសរដ្ឋមន្ត្រី ស៊ុន ចាន់ថុល បានប្រកាសថា រដ្ឋាភិបាលកម្ពុជាមិនខ្ចីលុយគេមកសាងសង់ផ្លូវដែកពីភ្នំពេញទៅប៉ោយប៉ែតនោះទេ ដោយរកនីតិវិធីជាដៃគូរជាមួយអ្នកអភិវឌ្ឍន៍មកសាងឱ្យបាន។

លោកថា៖ «មកចោទថារាជរដ្ឋាភិបាលនឹងខ្ចីលុយ ៤ពាន់លានមកសាងសង់ផ្លូវដែកនេះ។ អញ្ចឹងរាជរដ្ឋាភិបាលនឹងវ័នករលោកអត់យល់អីទាំងអស់។ ខាង VOA នេះមិនយល់ថាគេកំពុងរៀបចំនីតិវិធីអ្វីផងមកចោទគេថាខ្ចី ៤ពាន់លាន។ សុំទោសរាជរដ្ឋាភិបាលកម្ពុជាក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន គឺមិនខ្ចី ៤ពាន់មកកសាងផ្លូវដែកពីភ្នំពេញ-ទៅប៉ោយប៉ែតទេ!»។

លោក ស៊ុន ចាន់ថុល បានពន្យល់ថាការកសាងផ្លូវដែកនេះនាយករដ្ឋមន្រ្តីសម្ដេចតេជោបានលើកឡើងថាគឺត្រូវធ្វើតាមរបៀប BOT (Build-Operate-Transfer) ដោយក្រុមហ៊ុនទទួលសាងសង់ប្រតិបត្តិការក្នុងរយៈពេលណាមួយមុននឹងប្រគល់ជូនរាជរដ្ឋាភិបាល ឬ PPP (public-private partnership) ដែលជាការអភិវឌ្ឍន៍ក្នុងភាពជាដៃគូរជាមួយវិស័យឯកជន។ ហើយគំនិតនេះក៏ត្រូវបាននាយករដ្ឋមន្ត្រីសម្ដេចតេជោ ហ៊ុន សែន លើកឡើងទៅកាន់ប្រធានាធិបតីចិន និងនាយករដ្ឋមន្ត្រីចិនផងដែរ។

សារព័ត៌មានរបស់សំឡេងសហរដ្ឋអាមេរិក VOA បានចុះផ្សាយកាលពីថ្ងៃទី០៤ ខែកុម្ភៈ ឆ្នាំ២០២៣ ក្រោមចំណងជើងថា “កម្ពុជាស្វែងរកជំនួយបន្ថែមពីចិន ខណៈមានការព្រួយបារម្ភអំពី «អន្ទាក់បំណុល»” ខណៈក្រសួងការបរទេសចាត់ទុកថា ជាការផ្សាយព័ត៌មានមិនពិត និងបំភាន់សាធារណជនក្រោមហេតុផលនយោបាយ។

គួរឱ្យដឹងផងដែរថា គម្រោងលើកកម្រិតផ្លូវរថភ្លើងភាគខាងជើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿនគ្រោងចាយទុនប្រមាណ ៤ពាន់លានដុល្លារ ដោយរួមបញ្ចូលទាំងក្បាល និងទូរថភ្លើងសម្រាប់ដំណើរការ និងប្រើប្រាស់រយៈពេលសាងសង់ប្រមាណ ៤ឆ្នាំ៕ 


ព័ត៌មានជាច្រើនទៀតសម្រាប់អ្នក